Apartamenti 2XL” ka hapur siparin e sezonit të ri. Por jo vetëm kaq. Në natën e parë ka pasur një përballje të pazakontë, ku aktori Julian Deda është vënë përballë kryebashkiakut Erion Veliaj. Aktori njihet si një nga kritikët më të drejtpërdrejtë të kryetarit aktual të Bashkisë së Tiranës. E në fakt, e gjithë mbrëmja është shoqëruar me të qeshura nga publiku pas batutave të shkëmbyera jo vetëm nga Juli, por nga të gjithë aktorët në skenë si dhe kryebashkiaku.
Megjithatë, shumë ishin kuriozë të dinin se si ka shkuar takimi mes Veliajt dhe Dedës jashtë kamerave. Aktori i mirënjohur i humorit, në një prononcim për “Bluetooth” pranon të ndajë më shumë për të gjitha ato që s’u panë në kamera. “Në backstage nuk ndodhi asgjë. Ajo që publiku ka parë mbrëmjen e spektaklit, ka qenë edhe ajo që ne kemi bërë së bashku me Veliajn në prova, nuk kishte asnjë ndryshim. Edhe në prova ishte shumë i hapur për çdo lloj pyetjeje apo improvizimi”, shprehet humoristi, i cili kohët e fundit është shfaqur mjaft kritik ndaj kryebashkiakut. Megjithatë, ky fakt duket se nuk ka ndikuar aspak në takimin e të dyve shkruan Balkanweb.
“Nuk ka ne i dhamë dorën njëri-tjetrin dhe shfaqja vijoi normalisht. Mendoj se është në natyrën e tij të jetë i hapur dhe nuk ka pasur shenja pakënaqësie ndaj meje”. E në fund, nuk kishin se si të mos e pyesnim nëse kjo eksperiencë kaq e bukur e ka bërë Julin të ndryshojë mendim për kryetarin e Bashkisë së Tiranës. “Unë Erionin e njoh shumë përpara, dhe dua të them se, nuk e kam kritikuar pasi kam diçka personale me të, por e kam kritikuar si kryetar bashkie si dhe një person publik, për të cilat ndaj mendime të kundërta për sa i përket performancës së tij në punët e bashkisë, ndaj dhe kishte sportivitet mes nesh”, përfundon aktori i mirënjohur i “Apartamentit 2XL”.
