Foto, banorët e Maqellarës
Burimet e ujit konfliktojnë tre fshatra të Maqellarës në Peshkopi. Për të qetësuar gjendjen atje janë vendosur edhe policë.
Kanë qenë banorët e fshatit Majtare në Peshkopi të cilët dolën të mbrojnë depozitën e burimeve të ujit. Një ditë më parë fqinjët e tyre të fshatrave Potgore dhe Allabegisë ju dëmtuan tubacionet. Pas kësaj, 100 burra shkuan aty me lopata dhe hunj, raporton “ABC News”.
Deri para ndërtimit të këtij ujëmbledhësi banorët e tre fshatrave të Maqellarës shkonin mjaft mirë me njeri-tjetrin. Ata të fshatit Majtare nga buron uji lejonin edhe fqinjët e tyre për të vaditur tokat.
Por, pas një investimi, këta të fundit u frikësuan.
Midis tyre nisi armiqësia, pasi mendojnë se nuk do të ketë më ujë për tokat e Potgores dhe të Allabegisë.
Në këtë mënyrë njëra palë del natën dhe dëmton tubat e ujit kurse pala tjetër bënë roje për ti ruajtur ato.
E tërë historia ngjason me legjendat por në të vërtetë në Maqellare u desh edhe ndërhyrja e policisë që komuniteti t’i shpëtoje momentalisht ndonjë përleshje fshatçe.
