FOTO/ Skafi me 1.5 ton kanabis nga Shqipëria në ndjekje nga 4 shtete

Një skaf me 1.5 tonë drogë ka përfunduar në duart e Policisë italiane, pas një ndjekje të gjatë. Skafi me drogë, ishte nisur nga Shqipëria për në Kalabri.
Pas marrjes së informacioneve ka nisur dhe aksioni në detin Jon për të ndaluar mjetin lundrues që udhëtonte me shpejtësi të madhe.
Në këtë aksion janë përfshirë mjetet nga 4 shtete, Itali, Greqi, Spanja dhe Portugalia.
Siç bën të ditur RaiNews24, aksioni është bërë për të kapur skafin me motorë të fuqishëm që ka dalë të shkarkonte kanabisin në bregun e Kalabrisë. Në pranga janë vendosur 3 skafistë shqiptarë dhe 4 persona të tjerë, të cilët janë kapur duke ngarkuar drogën në një furgon.