PROCEDURAT/ Zgjedhja e Presidentit, Kuvendi letër Metës: Afat deri më 9 korrik

Drejtoria e Shërbimit Juridik pranë Kuvendit kërkon nisjen e procedurave për zgjedhjen e Presidentit të ri.
Përmes një letre drejtuar kryeparlamentarit Ilir Meta, e cila mban firmën e drejtorit të Shërbimit Juridik, Alban Brati, sqarohet se mandati i presidentit në detyrë, Bujar Nishani, përfundon më 24 korrik.
Sipas shkresës, data 9 korrik është afati i fundit i Kuvendit për zgjedhjet e kreut të ri të shtetit.
Me memon janë vënë në dijeni edhe grupet parlamentare.
Sipas ligjit, procedura për zgjedhjen e presidentit të ri duhet të nisë jo më herët se data 13 prill 2017.