Pesë automjete janë përfshirë në një aksident pasditen e vonë të së mërkurës (12 prill 2017) në qytetin e Beratit, kur një makinë që po lëvizte me shpejtësi ka marrë para makinat e tjera.
Aksidenti është shënuar në fillim të pedonales së re dhe automjeti tip Toyota,me targa AA 148 Nk, vinte nga rruga dytësore në anë të lumit Osum me shpejtësi të madhe. Makina ka goditur ç’ka gjetur para duke u ndaluar vetëm pasi është përplasur me bordurën.
Aksidenti ndodhi në një zonë të populluar dhe ka frikësuar qytetarët por fatmirësisht nuk ka pasur asnjë të lënduar.
Më pas drejtuesi i mjetit, 35-vjeçari Ilirjan Çereni, është larguar në këmbë dhe është arrestuar në dalje të qytetit në përpjekje për tu larguar. Burimet e policisë bëjnë me dije se drejtuesi i mjetit ka qenë në gjëndje të dehur
