Shirley Webb e konsideron palestrën ku stërvitet në Illinois, si një “shtëpi të dytë”. Gjyshja 78-vjeçare është anëtare e fuqishme e “Club Fitness” në Wood Lawn, ku ajo është e njohur për shumicën e anëtarëve të klubit.
78-vjeçarja shkon në palestër disa herë në javë dhe shpesh mund të gjendet në seksionin e peshave duke u stërvitur.
Së fundmi ajo ka thyer rekordin duke ngritur plot 111 kilogramë peshë.
Gjyshja po filmohej nga trajneri i saj kur realizoi ngritjen e 111 kilogramëve. Çuditërish, Shirley nuk ka bërë aktivitet fizik më herët.
Frymëzimi i saj për t’’u bashkuar palestrës ishte për të shoqëruar mbesën e saj 20-vjeçare.
“Në fillim mezi ngjisja shkallët, por sot mund të ngre 111 kilogramë”, thotë ajo.
