Varfëria , papunësia, rënia e fuqisë blerëse, ilaçet e skaduara kanë qenë disa nga shqetësimet që banorët e Cërrikut i kanë shprehur kryetarit të Partisë Demokratike, Lulzim Basha. Të zhgënjyer nga vota që i dhanë Edi Ramës, pasi jo vetëm që nuk mbajti asnjë prej premtimeve por e përkeqësoi dhe më tej situatën ekonomike, qytetarët kanë shprehur besim dhe mbështetje tek platforma e Lulzim Bashës.
Nga ana e tij Basha ka dëgjuar gjithë shqetësimet e banorëve të Cërrikut dhe është shprehur për gjendjen e vështirë ekonomike në të cilën ndodhet vendi ;“Investitorët gjermanë që janë këtu po fillojnë të mbyllin bizneset, po fillojnë të nxjerrin nga puna më shumë shqiptarë. Ata që planifikonin të vinin, nuk vijnë. Shqipëria është e 19-ta në listën e rajonit” është shprehur Basha .
Më tej ai ka thënë se nën drejtimin e PD-së, primar do të jetë vetëm një objektiv madhor punësimi dhe ulja e taksave; “Shteti nesër nen drejtimin tim, me votën dhe besimin tuaj do të të mendojë dhe do të përpiqet për një dhe vetëm një objektiv madhor, punësimin në tërësi dhe punësimin e të rinjve në veçanti.
Hapi i parë, ulja e taksave. Efekti, 1 miliardë euro në ekonomi. 1 miliardë euro në ekonomi janë minimalisht 25 mijë vende pune vetëm vitin e parë” ka deklaruar keru i PD së Lulzim Basha.
Biseda e plotë, Basha me qytetarët
Zonjë :E votuam për të mirë atë Ramën. Ai na doli… Përkrahjen gocës ia hoqi, 5 veta. Djali ishte invalid, ia hoqi. Prandaj e futëm Ramën ne? Ne do ta heqim!
Tregtare:Veresie sa të mund. Ta fillosh që në mëngjes me një byrek 300 lekë të vjetra e deri në darkë, çfarë do të hajë një fëmijë… Xhiroja ka rënë. Tatimet duhen paguar. Tani unë po nuk shita mese do t’i paguaj?!
I papunë:Jam pa punë, kam aplikuar.
Basha:Kur ke aplikuar, sa kohë ke?
I papunë: Ka gati një vit.
Basha:Një vit, s’ke marrë akoma asnjë njoftim?
Grua:I kanë thënë kur të marrim ne vetë në telefon.
Qytetare :Ja edhe këto vezët veresi i kam marrë.
Basha:Ku i more?
Qytetare:Te dyqani atje poshtë kam gjithë ato borxhe.
Pensioniste:S’ka vetëm me pension. Djali papunë është vetë i tretë papunë, as përkrahje, as asgjë. Në kurriz tonë, të pensionit.
Është rikthyer sërish në Cërrik pas afro 8 muajsh, për të bashkëbiseduar me banorë dhe tregtarë. Ata thonë se situata është më keq se 8 muaj më parë. Listat në dyqane janë rritur e po kështu taksat, gjobat e papunësia.
Basha:Çfarë marrin veresie, çfarë mallrash kryesisht?
Tregtare:Ushqimore, vajin, sheqerin që është e domosdoshme që është e domosdoshme për shpinë.
Basha:Brenda çfarë afati i shlyejnë?
Tregtare:Unë pres mujoren. Ka raste që nuk mi sjellin e nuk marr dot furnizim.
Basha:126.940 lekë
Tregtar:Janë tre mandate, janë tre për tu pagu. Shiko xhiron ditore.
Basha:Sigurimet sa janë rrit?
Tregtar:Nga 140 mijë lekë që ka qenë kur keni qenë ju, ka vajtur rreth 200 mijë lekë sigurime për person.
Basha:Pra, vetëm me sigurime dhe taksë bashkiake keni paguar 140 mijë lekë më shumë.
Tregtar:Gjoba na vë jo nuk ke kasë. Kasën e kam, kam 8 vjet që e kam marrë. Më kanë vënë 200 mijë lekë gjobë, jo nuk ke vënë “Ju lutem tërhiqni kuponin tatimor”.
Basha:D.m.thme një gjobë ta kanë marrë dyfish taksën që ka bërë sikur ua ka heq.
Do të ulim taksat. do të shkojë 9% taksë e sheshtë, 15% do e çojmë TVSH-në.
E dyta, do të vëmë pullën fiskale dhe në momentin që ke pullën fiskale ardhja e tatimorit kur ti ke demonstruar pullën do të thotë e paligjshme, e jashtëligjshme.
Më investimet publike dhe me një klimë me investimesh private do të hapim vende pune. Se gjithë taksat po t’i ulim ne ty po s’pate xhiro, s’ke xhiro. Në qoftë se ai vjen të merr veresie ty, ti nuk arrin dot të mbijetosh apo jo?!
Banore:Ilir Beqja që thoshte do të bëjë këtë, do të bëjë atë. Asgjë s’bëri, për vete.
Basha:E bëri, e bëri për vete se 1 milionë dollarë i merr në muaj për vete.
Banore:Të hipë në avion e të zhduket ai. Të zhduket se po vdesim me ato ilaçet që na jep ai. I çova ilaçet në Greqi, mi hodhi ai. Më tha, ça pini ju? Epo i thash ne këto na japin. Pensionistat i futi në dhe.
Invalid:Unë jam invalid dhe këtë ilaçin që duhet ta marrë pa lekë e marr me lekë.
Basha:Sa të kushton ky ilaç?
Invalid:8200-8300 lekë. Po nuk më del tani se jo drita, jo ujë, jo bukë. Thanë për përkrahjen që do ti rrisin, nuk i rritën. 30 mijë lekë merr babai im në muaj.
Zoti Basha u ndal edhe në familjet e disa personave në varfëri ekstreme. Njëri prej tyre, i tha zotit Basha se është detyruar që gruan dhe vajzën t’i çojë në emigrim pasi nuk kishte me çfarë t’i mbante, se vetë është i sëmurë.
Basha:Kush është vajza, në çfarë vendi?
Banor:Në Gjermani bashkë me nusen time, i largova se s’kisha me çfarë ti mbaja.
Kam një vit e 4 muaj që jam vetëm se nuk i mbaja dot me të ngrënë. Kam një vit e ca pa paguar as drita, as ujë se nuk kam, mi kanë prerë. S’ka ujë.
Banore:Ne vujmë për bukë, ku të vemi të mbytemi.
Kryetari i Partisë Demokratike zhvilloi një bashkëbisedim dhe me të rinjtë e Cërrikut. Zoti Basha ka theksuar se platforma për arsimin parashikon mundësi për të rinjtë për të studiuar dhe orientuar në ato universitete ku tregu i punës është më i madh. Duke iu përgjigjur shqetësimit të tyre për nivelin e lartë të papunësisë, zoti Basha theksoi se shkak për këtë është korrupsioni dhe taksat e larta. Zoti Basha solli në vëmendje raportin e Dhomës Gjermane të Tregtisë e cila dëshmon se investitorët po largohen nga Shqipëria. Punësimi është prioritet kryesor, tha Basha ndërsa theksoi se ulja e taksave do të ketë një efekt prej 1 miliardë eurosh në ekonomi që përkthehet në minimalisht 25 mijë vende të reja pune.
