Tiri Gjoci është fituesi i “The Voice of Albania 5”, një nga edicionet me më shumë të papritura, me formula të reja gare e sidomos me konkurrentë të fortë.
Pas rrugëtimit disajavor, finalja ishte një garë mes dy djemve që kanë qenë pjesë e skuadrës së Sidritit, Tiri Gjoci dhe Lorenc Hasramës. Fituesin e zgjodhi vota e publikut.
Mbrëmja finale ishte një spektakël i vërtetë, ku veç dy djemve në garë, interpretuan trajnerët e këtij edicioni, bashkë me konkurrentët e tjerë të këtij edicioni, fituesit e katër edicioneve të mëparshme të “The Voice”. Po ashtu, të ftuar special ishin edhe këngetarët Alban Skënderaj, si dhe Willy William.
Ky i edicion “The Voice of Albania” ka qenë një nga më interesantët. Nga Shqipëria, Kosova e Maqedonia erdhën zëra shumë të mirë, që krijuan skuadra të forta e që i vunë jo pak në vështirësi katër trajnerët.
Por, dy finalistët, ishin kaq të ndryshëm sa edhe të ngjashëm. Nëse do të kishte një koeficent, si në rastin e ndeshjeve të futbollit, të dy do të kuotoheshin njësoj.
Sidriti, si trajner, është fitues për herë të tretë i “The Voice of Albania”.tch
