Aksident në autostradën Laç-Tiranë, makina përplas motorin, humb jetën 50 vjeçari

Drejtuesi i një motori humbi jetën mëngjesin e sotëm pranë fshatit Luz, në autostradën Laç- Tiranë. Sipas policisë lokale, mjeti tip Opel Corsa që drejtohej nga Flamur Karaj, 32 vjeç nga Mamurrasi u përplas me një motor që drejtohej nga një 50 vjeçar nga Lezha. Për pasojë, drejtuesi i motorit ka ndërruar jetë, kurse Karaj është shoqëruar në ambientet e Policisë. Specialistët për Krimet dhe grupi hetimor po punojnë për zbulimin e shkaqeve të aksidentit.