Fier, trafikanti e polici përleshen me thikë e pistoletë, plagosen të dy

Një përleshje mes trafikantëve të drogës dhe policisë ka ndodhur në Fier. Nga të dhënat paraprake mësohet se Agron Xhaxhaj 27 vjeç dhe Ergent Braçe 28 vjeç, kanë rënë në prangat e policisë gjatë një operacioni antidrogë në qytetin e Fierit. Ata u kapën me 7.2 kilogramë canabis sativa në lagjen nr. 2 në Roskovec.
Në kohën që ndërhyri policia Agron Xhaxhaj ka kundërshtuar me dhunë punonjësin e policisë duke u përleshur me të dhe e ka plagosur lehtë punonjësin me një mjet prerës, i cili ka marrë mjekim në spitalin e Fierit.
Nga na e tij edhe punonjësi i policisë gjatë përleshjes ka plagosur lehtë në këmbë me armën e shërbimit Agron Xhaxhajn.
Materialet i kaluan Prokurorisë pranë Gjykatës së Shkallës së Parë Fier për veprat penale “Prodhim dhe shitje e narkotikëve” dhe “Kundërshtimi i punonjësit të policisë së rendit publik”.