Nese nuk i ke kaluar 22 vjeç, je i gjate 165 cm, ke nje fizik te rregullt e gjendje te mire shendetesore, ke mbaruar shkollen e mesme, nuk je martuar dhe nuk je denuar nga gjykata per vepra penale mund te jesh kandidati i duhur per t’u bere pjese e Forcave te Armatosura. Qendra e Personel Rekrutimeve ka publikuar rregulloren e re per shtetasit shqiptar te cilet do te perzgjidhen si oficere dhe nenoficere, shkruan abcneës.
Ministria e Mbrojtjes ka ulur moshen e kandidateve dhe gjatesine. Me pare ajo kufizohej mes 18 dhe 27 vjec ndersa tashme ata nuk duhet ti kalojne te 22 vitet. Meshkujt mjafton te kene lartesi trupore 165 cm per tu pranuar nga 170 cm qe ishte deri para nje viti, ndersa femrat 160 cm nga 165. Kandidatët me arsim parauniversitar do të rekrutohen kryesisht për ndjekjen e studimeve në Akademitë Ushtarake të vendeve të NATO. Por per kete ata nuk duhet te jene apo te kene qene perdorues te lendeve narkotike ndersa ne kartelen e tyre shendetesore nuk duhet te rezultojne bartes te virusit HIV apo semundjevet te tjera.
Ata që synojnë të ushtrojnë profesionin e oficerit jashtë vendit, duhet që te kene nje mesatare notash mbi tete. Ndërsa ata që synojnë veçanërisht Shtetet e Bashkuara të Amerikës, duhet të zotërojnë gjuhën angleze. Sa i përket kandidatëve që kanë diplomë universitare, përpos rregullave të përbashkëta që kanë me ata me arsim te mesem, duhet që në çastin e aplikimit të mos jenë më shumë se 25 vjeç e 6 muaj.
Përjashtim bëjnë kandidatët për oficerë, të cilët do të jenë personel mjekësor i Forcave të Armatosura, të cilët në momentin e aplikimit duhet të mos jenë më shumë se 30 vjeç e 6 muaj. Qendra e Personel Rekrutimeve ka vendosur si kusht edhe qe kandidatët të mos jenë larguar nga puna në administratën qendrore ose lokale për shkelje te legjislacionit në fuqi.
Për t’u bërë pjesë e konkurrimit, kandidatët duhet të njoftojnë Qendrën e Personel Rekrutimit, përmes faqes së internetit të Ministrisë së Mbrojtjes dhe duhet te plotesojne dosjen me 15 dokumenta qe detojahen online. Para se te marrin gradën e oficerit apo nënoficerit kandidatet do te zhvillojne disa konkurse, që nisin me testimin fizik ate intelektual te gjuhes angleze, testimin psikologjik dhe ekzaminimin mjekësor.
