Policia e Fierit prangosi një ish-drejtues të Hipotekës në Lushnje dhe pronarin e pikës turistike në Ardenicë.
Zyrtarisht policia njofton se ka arrestuar shtetasit Bledar Koçiu, 36 vjeç, banues në lagjen “Loni Dhamo”, Lushnje, me detyrë ish-regjistrues i ZVRPP si dhe nje drejtues i degës vendore të LSI-së, Lushnje dhe Arben Lushi, 51 vjeç, banues në Kolonje, Lushnje, pronar i pikës turistike Ardenicë.
Bledar Koçiu
Këta dy persona së bashku me dy të tjerë, njeri mes të cilëve i shpallur në kërkim, akuzohen se në bashkëpunim me njëri-tjetrin kanë dhënë në kundërshtim me ligjin një pronë shtetërore me sipërfaqe 6300 metër katror pyll, në të cilën është ndërtuar pikë turistike e shtetasit Arben Lushi duke e pajisur me certifikatë pronësie.
Gjykata e Shkallës së Parë Lushnje, dha masat e sigurisë arrest në burg për veprat penale “Korrupsioni pasiv i personave që ushtrojnë funksione publike”, “Shpërdorimi i detyrës”, “Ushtrimi i ndikimit të paligjshëm ndaj personave që ushtrojnë funksione publike”, “Falsifikimi i dokumenteve”.
Arben Lushi
Gjykata caktoi masën e sigurisë “Ndalim i daljes jashtë shtetit”, për shtetasin E. Rr., 32 vjeç, banues në Lushnje, me detyrë ish-hartograf pranë ZVRPP Lushnje.
Po kështu u bë shpallja në kërkim e shtetasit S. K., 52 vjeç, banues në Lushnje, me detyrë jurist pranë ZVRPP Lushnje.
Në më pak se një vit, ky është i dyti rast i prangosjes së regjistruesit të ZVRPP-së së Lushnjës. Në korrik të vitit që shkoi, u arrestua Elvis Bajaziti, ish-regjistrues i kësaj zyre, si edhe shoferi i tij Aurel Tiranishti. Ata akuzohesh për korrupsion.
Për më shumë mund të lexoni edhe …
FOTO/ Lushnjë, mori 3000 euro për një certifikatë pronësie, pranga Regjistruesit dhe shoferit
/web/FOTO_Lushnje_mori_3000_euro_per_nje_certifikate_pronesie_pranga_Regjistruesit_dhe_shoferit_4726_1.php
