Durrës, “Peugeot” përplaset me trafikndarësen, 1 i vdekur dhe 4 të rinj të plagosur

Një aksident i rëndë ka ndodhur mëngjesin e sotëm në Durrës. Për pasojë, ka mbetur i vdekur një person ndërsa janë plagosur 4 të tjerë.
Aksidenti ka ndodhur në Unazën e Plazhit në këtë qytet. Ka qenë një autoveturë tip “Peugeot” me targa TR 4863 R që është përplasur me trafikndarësen.
Pas njoftimit, në vendngjarje shkoi policia dhe 4 autoambulanca.  Të plagosurit u dërguan në gjendje të rëndë në spitalin e Durrësit.
Ende nuk dihen rrethanat dhe shkaqet e aksidentit, si edhe identitetet e viktimave, ndërsa dyshohet se mjeti në të cilin udhëtonin 5 të rinj nga Shkozeti, ka qenë duke udhëtuar me shpejtësi, tej normave të lejuara.