Gentian Daja – Elvis Rroshi
Partisë Socialiste i ka dalë jashtë kontrollit dega e saj në Kavajë. Ndërsa zyrtarisht PS, por edhe vetë Edi Rama deklaruan sot distancimin nga Elvis Rroshi, kreu i degës së kësaj partie, Gentian Daja, sfidon “qendrën” dhe nëpërmjet një statusi në “Facebook”, fton qytetarët e Kakvëjës në një manifestim mbështetës ndaj Elvis Rroshit.
Ndërkohë, më herët, për opozitën Gentian Daja, krahu i djathtë i krysocialistit Rama në Kavajë është një i dënuar për trafik droge, disa herë, në vende të ndryshme të Europës. Opozita e ka akuzuar kreun e PS-së së Kavajës si trafikant droge, pasi sipas saj, ai rezulton i dënuar në Caserta të Italisë dhe në Frankfurt, në Gjermani.
Postimi i plotë i Gentian Dajës në “Facebook”
Sot ne oren 19.00, para Bashkise Kavaje, do dalim te gjithe sebashku ne mbeshtetje te mikut tone te perbashket, Elvis Rroshit, personit qe i dha Kavajes fytyre te re, gjalleroi qytetin, ndryshoi mentalitetin e institucionit dhe kerkoi pafundesisht mbeshtetjen e qeverise per vendin e tij.
Gjithsecili eshte i ftuar te jete sebashku me ne ne kete moment qe nuk eshte fundi, por fillimi i rruges sone.
