FOTO/ Media greke: Miku i Edi Ramës do të ndërtojë një resort turistik në Himarë

Gazeta e njohur greke “Protothema” ka publikuar një artikull, kur ndërsa bën të ditur se në Himarë do ndërtohet një resort i madh turistik nga një miku i kryeministrit Edi Rama, e lidh këtë me shembjen e një sërë ndërtimesh në këtë zonë.
Sipas medias greke “Protothema”, mësohet se resorti turistik do të ndërtohet nga Pandeli Carapulin, të cilin e cilësojnë si “mikun e Edi Ramës”.
“Pandeli Karapuli, miku i Kryeministrit shqiptar Edi Rama synon që të ndërtojë resortin më të madh në bregdetin shqiptar.
Kompania e tij Eurocol sh. p. k synon që të ndërtojë në Dhërmi resortin turistik të quajtur ‘Shkëmbinjtë e Bardhë’ (White Rocks). Projekti ka miratimin e KKRT dhe ka firmën e Kryeministrit Edi Rama.
Zona ku do të ndërtohet kompleksi u takon banorëve vendas, pasi ata kanë të drejtën e pronësisë së tokës. Opozita akuzoi drejtpërdrejt biznesmenin se ka mbrojtje politike nga Partia Socialiste dhe punon ngushtësisht me Kryeministrin shqiptar, ndërsa gazetat në Tiranë shkruajnë se Eurocol sh. p. k., është kompani që merr veprat më të mëdha publike në vend dhe ka ndërtuar vilën e Ramës në Tiranë”, shkruan gazeta greke “Protothema”.