Turqi, bombë autobusit të policisë në Stamboll, 11 të vdekur 36 të plagosur

Të paktën 11 persona humbën jetën dhe 36 të tjerë mbetën të plagosur pas shpërthimit me bombë në qendër të Stambollit, ku 7 prej viktimave ishin policë. Shënjestra e sulmit ishte një autobus policor.
Shpërthimi ka ndodhur në afërsi të lagjes historike Beyazit në sheshin e qytetit, një atraksion i madh turistik.
Disa ambulanca shkuan në vendin e ngjarjes për ti dhënë ndihmën e parë të lënduarve.
Ende asnjë grup nuk ka marrë përsipër sulmin me bombë.
Dhuna në Turqi ka përshkallëzuar kohët e fundit si rezultat i tensioneve me separatistët kurdë dhe konfliktin në Sirinë fqinje.