Greqi, grinden për kamerieren, emigranti nga Iraku ekzekuton një shqiptar në Athinë

Një shtetas shqiptar është ekzekutuar mbrëmë në qendër të Athinës pranë sheshit “Omonia” në Athinë.
Grindja mësohet se ka nisur për shkak të ngacmimit të kamerieres. Viktima është një 47-vjeçar, identiteti i të cilit nuk bëhet me dije ende. Ai është pronari i një kafeneje.
Pasi kamerierja iu ankua se një klient emigrant nga Iraku e ngacmonte, shqiptari ka ndërhyrë bashkë me të dashurin e kamerieres, një shtetas nga Kazakistani, duke e larguar irakenin. Më vonë emigranti nga Iraku u kthye me një pistoletë në dorë dhe qëlloi për vdekje shqiptarin.
Nga ngjarja mbeten të plagosur në këmbë edhe dy persona të tjerë.