Komisioneri Hahn ka uruar arritjen e konsensusit pak minuta pasi Basha lajmëroi votën pro reformës nga ana e opozitës.
Përmes postimeve në Twitter, komisioneri Johannes Hahn, thotë se kjo marrëveshje tregon përgjegjësinë që ka Shqipëria në rrugën e saj drejt integrimit evropian.
#Shqipëria: Mirëpres lajmin inkurajues nga Lulzim Basha dhe PD se do të votojnë për reformën në drejtësi nesër.
Kjo marrëveshje tregon lidership dhe përgjegjësi për Shqipërinë në rrugën e saj drejt BE-së”.
Vota e PD për reformën u konfirmua vetëm pas letrës që Hahn i dërgoi tre drejtuesve kryesorë të politikës në vend ku qartësohej roli që do ketë OMN, Operacioni Ndërkombëtar i Monitorimit në procesin e reformës në drejtësi.
