Xhafaj: Koalicioni PS – LSI nuk funksionon normalisht

Kreu i Komisionit të Re formës në Drejtësi, socialisti Fatmir Xhafaj, nuk e fsheh se ka pasur diferenca mes PS-së dhe LSI-së sa i përket reformës në drejtësi. Në një intervistë për emisionin “Kapital” në TV “Vizion Plus”, Xhafaj tha se, nuk kam pse ta fsheh që nuk shoh një funksionim normal, nuk shoh një marrëdhënie të shëndetshme në këtë fazë, pas 3 vitesh të funksionimit të kësaj aleance.
“Më duhet të them se kjo reformë në këto 20 muaj mund të ketë shkaktuar shumë turbulenca, padyshim edhe në radhët e mazhorancës, akoma më shumë në radhët e opozitës dhe akoma më shumë në radhët e politikës shqiptare. Akoma më shumë në vetë sistemin, për shkak të pozicioneve të ndryshme në raportet që kanë pasur palët me sistemin. Kurse kur flasim për marrëdhëniet mes dy forcave kryesore që përbëjnë mazhorancën, unë nuk mendoj që lidhet aq shumë me ketë gjë në vetvete se sa me probleme të nevojës për një funksionim shumë më të mirë se deri tani të mazhorancës dhe të raporteve ndërmjet dy forcave kryesore politike të mazhorancës. Nuk kam pse ta fsheh që nuk shoh një funksionim normal, nuk shoh një marrëdhënie të shëndetshme në këtë fazë, pas 3 vitesh të funksionimit të kësaj aleance”, u shpreh Xhafaj.