Kreu i PD, Sali Berisha komentoi sot vendimin e kreut të bashkisë së Tiranës Erion Veliaj për të paguar me paratë e qytetarëve të Tiranës një audit të huaj ndërkohë që ligjërisht audite private në institucione publike nuk bëhen. Ato janë tagër i KLSH.
E bën për të shpëlarë fytyrën e tij të zezë, tha Berisha.
PJESË NGA FJALA E BERISHËS/ Erion Veliaj pasi ‘kolegët’ e Skrapit me në krye mercenarin e amnistuan, tani paguan paratë e qytetarëve të Tiranës për audite për të shpëlarë fytyrën e tij të zezë.
Për të mbuluar me mafian ndërkombëtare vjedhjet e tij të tmerrshme.
Për të mashtruar shqiptarët përsëri e përsëri.
Miq, përveç revoltës, përveç revoltës, përveç revoltës nuk ka rrugë tjetër.
Demokrate e demokratë, sot jeni para provës më të madhe në tërë jetën tuaj, në tërë ekzistencën tuaj.
Kjo provë është prova e jetës për çdo demokrate e demokrat.
Do t’u prijmë ne shqiptarëve në një revoltë të fuqishme për të përzënë narkoshtetin dhe rikthyer votën e lirë apo do firmosim mandatin e katërt të Edi Ramës dhe gllabërimin e opozitës nga honet e historisë? r.p
