Sekuestrohen 1 kg e 130 gramë lëndë e dyshuar narkotike kokainë në Tiranë ndërsa vihen në pranga 3 shtetas. Ata janë Paulo Shyti, Xhelo Ajasllari dhe Ervin Rakipi që vepronin në rrugën Myslym Shyri.
Policia bën të ditur se se gjatë kontrollit fizik Paulo Shytit i kanë gjetur drogën, ndërsa Ervin Rakipi nuk i është bindur urdhrave të punonjësve të Policisë.
“Policia nën drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Tiranë, kanë organizuar dhe kanë finalizuar operacionin policor të koduar “Collaboration 3”.
Si rezultat i këtij operacioni u bë kapja dhe arrestimi në flagrancë i shtetasve:
Paulo Shyti, Xhelo Ajasllari dhe Ervin Rakipi, të tre banues në Tiranë.
Shërbimet e Policisë kanë lokalizuar në rrugën “Myslym Shyri”, shtetasit e lartpërmendur, dhe gjatë kontrollit fizik ndaj Paulo Shytit, shërbimet e Policisë i gjetën 1 kg e 130 gramë lëndë të dyshuar narkotike kokainë. Gjatë ndërhyrjes, shtetasi Ervin Rakipi nuk i është bindur urdhrave të punonjësve të Policisë”, njoftoi policia e Tiranës.
Lënda narkotike, së bashku me një automjet dhe celularët e shtetasve të arrestuar, u sekuestruan në cilësinë e provës materiale. a.b
