Pasi Xhafaj deklaroi se qëndrimi i opozitës dhe ultimatumet e saj nga studiot televizive për 7 ligjet me ndryshimet kushtetuese që u dekretuan dje nga presidenti Nishani. Xhafaj, në mënyrë të tërthortë la të nënkuptohej se po tenton të prish konsensusin e arritur më 21-22 korrik, kur u miratuan edhe ndryshimet kushtetuese. Teksa u pyet nga gazetarët në lidhje me vendimin e kryetarit të Kuvendit për të pezulluar takimet në SHBA dhe për të ardhur në Shqipëri për shkak të klimës politike, ku sipas tij po tentohet të prishet konsensusi i arritur mes palëve, Xhafaj tha se komentet e PD rendojnë klimën politike. Pak kohë më vonë përmes një letre deputeti i PD-së Oerd Bylykbashi që mban postin e nënkryetarit të këtij komisioni i ktheu përgjigje deputetit Fatmir Xhafaj, për qëndrimin e opozitës për ‘Vetingun’.
Në përgjigjen e tij Bylykbashi shkruan se është koha për angazhim dhe jo vetëkënaqësi apo ceremoni pompoze.
Bylykbashi
:Është koha për angazhim dhe jo vetëkënaqësi, shfaqje apo ceremoni pompoze për një proces që deri më sot nuk nderon forcën që përfaqësoni dhe Kuvendin e Shqipërisë. Opozita dhe ekspertët janë gati të angazhohen në hartimin konsensual të këtyre ligjeve duke filluar nga ligji për vettingun e gjyqtarëve dhe prokurorëve sigurisht në përputhje me Kushtetutën dhe procedurat kushtetuese që sigurojnë legjitimitetin e Reformës.
Sa më sipër urojmë që në vend të festimeve pa mbaruar punë të ndryshojë rrënjësisht qasja e forcës suaj politike për fazën e re të reformës e cila do të na japë një reformë në drejtësi me legjitimitet përmes transparencës dhe jo fshehtësisë, gjithëpërfshirjes dhe jo përjashtimit, komunikimit të sinqertë dhe jo lojës së telefonit të prishur, dialogut dhe jo arrogancës, vullnetit të sinqertë dhe jo manovrave bizantine politike.
