Ndërsa janë numëruar afro 90% e votave në Maqedoninë e Veriut, opozita e djathtë e drejtuar nga Hristian Mickoski është fituese e zgjedhjeve parlamentare dhe presidenciale.
LSDM që ishte në pushtet e drejtuar nga Dimitar Kovaçevski ka humbur zgjedhjet si ato parlamentare, ashtu edhe për presidentin e Maqedonisë së Veriut.
VMRO-DPMNE kryeson bindshëm rezultatet me afro 43 për qind të votave ndërsa LSDM-ja e Kovaçevskit ka marrë vetëm 14.8 për qind.
Në vendim e trëte por sbumë afrë me vendin e dytë është koalicioni i partive shqiptare “Fronti Europian” që kryesohet nga BDI e Ali Ahmetit me 14.3 për qind të votave, pothuajse sa LSDM.
Në vend të katërt renditet një tjetër koalicion partish shqiptare VLEN, i cili ka siguruar 11.2 për qind të votave.
VMRO-DPMNE ka siguruar 59 vende në Parlament, nga 61 vende që duhen për krijimin e qeverisë. LSDM ka siguruar vetëm 19 vende, 1 më shumë se Fronti Europian i Ali Ahmetit me 18 vende. Ndërsa koalicioni VLEN ka siguruar 13 mandate.
Opozita shënoi fitore edhe në zgjedhjet presidenciale, ku kandidatja e saj Gordana Davkova nga numërimi i 85 për qind të votave ka siguruar rreth 65 për qind të tyre.
Ende pa u mbyllur numërimi i plotë, presidenti në detyrë, Stevo Pendarovski që kandidonte për një mandat tjetër, pranoi humbjen.
Pjesëmarrja në zgjedhjet parlamentare ishte 53 për qind e qytetarëve me të drejtë vote, ndërsa në rundin e dytë të zgjedhjeve presidenciale ishte 46.31. r.r
