Kryeministri Edi Rama ka mohuar sot se ka pasur një sjellje brutale ndaj gazetares Ambrozia Meta gjatë një prononcimi për media tek selia e PD. Rama reagoi pasi dy organizata ndërkombëtare reaguan ashpër ndaj sjelljes së tij, “Woman Press Freedom” dhe European Centre for Press e Media Freedom.
Gjatë qeverisjes së Ramës indeksi i lirisë së medias është më i ulëti ndonjëherë ndërsa sulmon edhe me teknologji mediat kritike ndaj tij ndërsa sponsorizon në mënyrë formale dhe joformale mediat që e lëpijnë. Vetëm një tv ka marrë qindra mijëra euro kontrata dhe marrëveshje nga qeveria veç truallit dhe ndërtesës falas afër qendrës së Tiranës.
REAGIMI I RAMËS/ Të kërkoj falje?!
Të kërkoj falje pas një gënjeshtre krejtësisht të neveritshme, kurgjithçka është në video dhe një duzinë gazetarësh dhe kameramanësh gjithashtu, janë dëshmitarë okularë të së vërtetës së thjeshtë se jo vetëm që s’kishte agresion, por të gjitha pyetjeve iu përgjigja me durim (pavarësisht disa ndërprerjeve joetike) në një bisedë të zakonshme me shtypin dhe u largova pas një lamtumire miqësore?!
Jo vetëm që nuk kam asnjë ndjesë për të kërkuar, por hedh poshtë të gjithë karakterizimin e “liderit që ka treguar përbuzje ndaj shtypit kritik”, që thjesht nuk është e vërtetë sepse tani ka shumë vite që nuk angazhohem në debate të nxehta me gazetarë:-)
Përkundrazi, unë u theksoj gazetarëve të shumtë si atyre etikë, si atyre jo etikë, disponueshmërinë time të plotë për t’iu përgjigjur të gjitha pyetjeve, megjithëse kategoria e dytë përdoret për ndërprerje të vazhdueshme të përgjigjeve, qartësisht jashtë çdo standardi.
Shumë keq që një “denoncim” i tillë nuk nderon vlerat e lirisë dhe as të vërtetën, dhe nuk respekton viktimat e vërteta të agresioneve të pushtetit ndaj grave gazetare në mbarë botën.
Sa i përket sjelljes “të pafalshme”, si një ish-pionier i shtypit të lirë në vendin tim, kur fjala ime e lirë rrezikonte dhe jetën time, ndiej detyrimin të them se organizatat e shtypit duhet të kujdesen për të mbrojtur vlerat e lirisë, demokracisë dhe integritetit gazetaresk jo vetëm kur këto kërcënohen nga pushteti, por edhe kur minohen nga anëtarët e komunitetit të shtypit. Përndryshe, shoqëritë tona demokratike do të jenë nëtelash.
