Është miratuar sot në Kuvend me 77 vota pro marrëveshja Shqipëri-Itali për emigrantët dhe fill mënpas me 74 vota kaloi edhe ligji për zonat e mbrojtura.
Nga rendi i ditës u hoq projektligji për Amnistinë Penale pasi mazhoranca nzk siguroi 84 vota.
“Me 74 vota pro hiqet nga rendi i ditës projektligji për Amnistinë Penale”, tha Nikolla në nisje të seancës plenare
PDIU mbështeti sot me 3 vota të dy projektligjet që u miratuan.
Mesila Doda, kryetarja e grupit parlamentar “Demokraci dhe Integrim”, argumentoi se cili është qëndrimi sa i përket votave pro që deputetët e PDIU dhanë. Sipas saj Italia është një shtet mik që duhet mbështetur në këtë rast.
“Po ka pasur një votim të deputetëve të PDIU pro marrëveshjes me Italinë. Ju kujtoj që është një vendim i Gjykatës Kushtetuese që i hap rrugën kësaj marrëveshje. Keni parasysh që bëhet fjalë për një shtet mik që është gjendur gjithmonë në momentet tona të vështirësive, në momentet e krizave siç është Italia. Absolutisht nëse kemi mundësinë që mund të ndihmojmë në një problematike të tyren, ne duhet të jemi absolutisht krah tyre. Mos harrojmë dhe një gjë, nuk bëhet fjalë që të mbështetin individë siç mund të jetë Fredi Beleri, ne flasim për një shtet mik i cili na ka mbështetur gjithmonë në rrugën tonë drejt integrimit dhe momentet tona të krizave. Bëhet fjalë për marrëveshjen me Italinë e cila absolutisht që do duhet që të mbështetej nga të gjithë, jemi ne që sa herë kemi pasur nevojë kemi pasur përkrah shtetin italian”.”, u shpreh Doda.
E pyetur sa i përket amnistisë ajo nënvizoi se do duhet parë drafti përfundimtar duke pohuar se nuk e kishte parë ende.
Kreu i grupit të PD Gazment Bardhi e cilësoi dje një proces jo transparent dhe pa draft të përbashkët ligjin për amnistinë penale. Ai theksoi se asnjë deputet i PD nuk do e votojë këtë projektligj.
Votat e deputetëve të Lulzim Bashës ishin e vetmja shpresë për mazhoritarët, por nuk u arrit asnjë konsensus. Basha deklaroi dje se ky vendim u mor për shkak të pranimit të pjesshëm të amendamentit të Enkeled Alibeajt për Amnistinë Penale te “Ligjet”. a.b
