Kryeministri Rama ka qëndruar në Prishtinë vetëm pak metra nga zyra e kryeministrit të Kosovës Kurti por nuk është pritur nga ky i fundit.
Ndërkaq Presidentja e Kosovës, Vjosa Osmani, priti në takim kryeministrin e Shqipërisë, Edi Rama.
Sipas njoftimit nga Presidenca, në takim u diskutua për samitin e NATO-s, i cili do të mbahet gjatë korrikut në Vilnius të Lituanisë, për samitin e Procesit të Berlinit, i cili do të mbahet në Tiranë në tetor të këtij viti si dhe për situatën aktuale në Kosovë e rajon, në raport me zhvillimet e fundit të sigurisë në veri të vendit.
Presidentja Osmani rikonfirmoi përkushtimin e Kosovës për t’i adresuar sfidat e përbashkëta me të cilat përballet rajoni së bashku me partnerët euroatlantikë, thuhet në njoftim.
Në raport me situatën e sigurisë në veri, presidentja Osmani theksoi se Kosova ka demonstruar vullnet për deeskalim, duke ofruar organizimin e zgjedhjeve të reja në veri të vendit, në përputhje me kornizën ligjore të Kosovës.
Për më tepër, Osmani ka theksuar se është e domosdoshme që ata që kanë sulmuar NATO-n, gazetarët, policinë e Kosovës dhe qytetarët në veri, të jenë përgjegjës para ligjit, sepse pandëshkueshmëria mund të nxisë edhe më shumë dhunë.
Sa i përket Samitit të Procesit të Berlinit, u bisedua për domosdoshmërinë e hyrjes në fuqi të të gjitha marrëveshjeve të arritura deri më tani në këtë proces, e sidomos asaj që ka të bëjë me lirinë e lëvizjes, si dhe për mundësinë e rritjes së projekteve dhe fondeve përfituese për vendet e Ballkanit Perëndimor në kuadër të Procesit të Berlinit.
Nga ana tjetër, sa i përket Samitit të NATO-s, Presidentja falënderoi Shqipërinë për përkrahjen e vazhdueshme sa i përket anëtarësimit të Kosovës në këtë aleancë.
Në takim ishte i pranishëm edhe ambasadori amerikan në Kosovë, Jeffrey Hovenier.
Pas takimit me presidenten osmani, Rama ka shkuar në takim me kryeparlamentarin Glauk Konjufca. Pas takimit Konjufca tha se takimi me Kurtin niset nga refuzimi i Ranës për mbledhjen e përbashkët në Gjakovë. Ne jemi lënduar nga mungesa e atij takimi, tha Konjufca.
Kosova ka bërë hapa të mëdhenj përpara kur ka pasë Shqipërinë pas, tha Konjufca. Për të edhe projekti i ndarjes së Kosovës, edhe Ballkani i Hapur, edhe projekti i asocicionit e dëntuan Kosovën. Në diaa raste propozimi e Ranës ka elementë të autonomisë territoriale dhe kjo e është e papranueshme, tha Konjufca.
Më herët gjatë ditës, Rama ka qëndruar në Shkup ku tha se “Kurti nuk e ka harruar Kanunin, se sipas Kanunit edhe hasmit i hapet dera kur të vjen në shtëpi”. a.b
