Krei i PD, Sali Berisha zbuloi sot një gafë tek një projekligj për energjinë që kisjte ardhë në Parlament.
”Këtu kanë sjellë të diskutohet për një ligj për energji, ata të cilët e kanë shndërruar energjinë, kaskadën, digat, investimin në një mallkim për ju, dhe e kanë realizuar këtë vetëm e vetëm duke vjedhur.
Sjellin këtu një ligj qesharak ku zotohen se pas kaq vitesh do të arrijnë në 54% të burimeve energjitike të jenë të lëvrueshme, në një kohë kur sot ato janë 99% energji e rinovueshme”, tha Berisha.
Në vijim kreu i PD-së Berisha theksoi abuzimet në sektorin e energjisë.
”Dy vitet e fundit, organizata kriminale që drejton energjinë, çdo verë ka zbrazur digat, duke shitur energji me 30-40 euro kilovatin sekserëve të tyre, dhe këta sekserë këtë energji dhe pasuri tuajën, të dashur qytetarë, e rishesin në tregun, në bursë, në tregu rajonal dhe europian me 5-6 fishin, dhe paratë i ndajnë me këta që shihni prapa shpinës sime me në krye Edi Ramën.
Kjo është historia e energjisë së këtyre zotërinjve. Vjedhje, vjedhje dhe vetëm vjedhje”, tha Berisha.
Në lidhje me Ahmetajn, Berisha tha se ai është i përfshirë në inceneratorë bashke me Ramën.
Sali Berisha:Por, unë jam këtu sot për të informuar qytetarët, lidhur me Arben Ahmetajn, i cili është vendosur nën hetim. Theksoj se, kam mbështetur dhe do mbështes në çdo kohë, çdo zbatim ligji. Theksoj se Arben Ahmetaj është përgjegjës ndër më kryesorët në aferën e tmerrshme të djegësave. Arben Ahmetaj ka firmën në transferimin e Fondit të Emergjencës në djegësine Elbasanit dhe të Fierit. Arben Ahmetaj ka miratuar me siglim dhe me firmë të gjitha procedurat anti-ligjore të ndjekura në këtë proces.
Arben Ahmetaj ka qenë i lidhur si mishi me thoin me Mërtirin dhe Zoton, njëri prej tyre ka punuar edhe në Hermes, në kompaninë e tij ku vidhte impulset e Albtelecom.
Duhet të themi këtu, se kryeautori i djegësave është një dhe vetëm një, dhe ai e ka emrin Edi Rama. Afera 6-7 qind milionëshe në total, apo afera 420 milion e djegësit të Tiranës, kurrë nuk mund të realizohej me firmën, me insistimin e Arben Ahmetaj.
Arben Ahmetaj në daljen e tij të fundit u shpreh se: qeverinë nuk mund ta lëvizja unë.
Unë ua them këtu si ish-Kryeministër. Kurrë një ministër nuk e lëviz dot qeverinë. Qeverinë e lëviz kryeministri, i cili ngarkon punonjësit e aparatit të Këshillit të Ministrave, dhe në këtë mënyrë e lëvizi Edi Rama, duke firmosur 17 shkresa në 24 orë, në një kohë rekord.
Arben Ahmetaj, ka përgjegjësi të plotë, sepse me inspektoriatin e tij financiar nuk mbikqyri financimet, grabitjet dhe plaçkitjen e parave dhe tani del e thotë publikisht: follow the money, ndiq paranë.
Ndjek paranë, por edhe ti do të mbetesh në atë vorbull, Arben, se jep këshilla tani pasi t’u kujtuan.
Por, Edi Rama është përgjegjsi numër një, sepse ai është autori i firmës pasi Enti Kombëtar i Prokurimeve i tha se, kjo procedurë është antiligjore. Edi Rama dhe Agaçi, firmosën për prokurime me negociata të mbyllura. Edi Rama është përgjegjësi numër një, sepse kompanisë Intergrated Energy i dha bonusin 8 pikë në një kohë kur ajo nuk ekzistonte mbi sipërfaqen e tokës. Në një kohë kur një ministre, nuk është këtu ajo zonja, e Parlamentit i shkruante se kjo kompani nuk ekziston. Dhe me gjithë këtë shkresë, Edi Rama, në dhjetor të vitit 2016 firmos për kompaninë bonusin 8 pikësh, jë kompani fantazëm që nuk ekzistonte. Kjo kompani u krijua vetëm në gusht të vitit 2017.
Edi Rama është koka e krimit. Është koka e organizatës kriminale, sepse edhe në ekoparkun e Porto Romanos, Edi Rama e njofton si një novitet, në një kohë kur sekserët e Edi Ramës kishin krijuar kompaninë për ekoparkun e Porto Romanos 6 muaj më parë se Edi Rama ta shpallte publikisht se t’i kishte lindur ideja për një Eko-Park.
Edi Rama është i lidhur këmbë e krye edhe në këtë rast, sepse thjeshtra e Edi Ramës në kompaninë Iri ishte përfituese e projektit të Eko-Parkut.
Sikundër, thjehshtra në kompaninë IRI, është fituese e tenderit kompania IRI, e tenderit prej 30 milion eurosh të rindërtimit të muzeut.
Po ti mo ministër drejtësie, çfarë bën që firmos çdo firmë të tij? A e kupton, apo jo?
Ka patur para teje ministra që nuk i firmosën. Ti edhe kur nuk firmos, vjen dhe bën avokatinë këtu!
Shko dhe arresto Lefterin atje, për t’i bërë qejfin Belindës. Absolutisht, ti e arrestove! Më dëgjo mua ti këtu. E arrestove Lefterin, për t’i bërë qejfin Belindës, se ajo është bërë kryeministre tani. Po nuk të shkojnë këto intriga, intrigant.
Pra, kjo është e vërteta. Është reale, e di gjithë Dibra.
Ndaj edhe, Arben Ahmetaj, le të shkojë atje, po SKAP-i i partisë nuk mund të hedhi hi sysh shqiptarëve, se kreu i Meduzës është Edi Rama, Engjëll Agaçi, është Erion Veliaj.
A e morët ju vesh se u gjetën 20 milion euro tek ai Tapalone, si quhet mafiozi, i cili ka firmos se disponojnë 241 milionë euro për djegësin e Tiranës, tani merr paratë e taksapaguesve shqiptarë, i fsheh nëpërmjet Erion Veliajt.
Ndaj edhe, mos mendoni ju se do mbyllet kjo aferë me Arben Ahmetajn.
Megjithatë, thirrja ime drejtuar Arben Ahmetajt është: të bëhesh i penduari i drejtësisë. Ke vjedhur për të vjedhur, mos e diskuto, se nuk je kurrë ti që nuk ke vjedhur, por ke vetëm një rrugë: të pendohesh dhe të zbërthesh para kombit dhe popullit tënd të gjithë veprimtarinë e organizatës kriminale. a.b
