30-vjeçari Erald Shullazi u prangos nga policia në Tiranë pasi shpërndante doza droge kryesisht në Unazë të Re.
Detajet:
Vihet në pranga 1 shtetas që shpërndante doza kokaine, në Tiranë.
Sekuestrohen dhjetëra doza kokainë, gati për shitje, rreth 90 gram sasi lënde e dyshuar narkotike kokainë në proces për tu ndarë në doza, si dhe një peshore elektronike.
Si rezultat u arrestua në flagrancë shtetasi E. Sh., 30 vjeç, banues në Tiranë.
Në Unazë të Re, shërbimet e Policisë kanë lokalizuar dhe ndaluar automjetin me drejtues shtetasin Erald Shullazi. Gjatë kontrollit në automjet, u gjet dhe u sekuestrua sasi lënde e dyshuar narkotike kokainë, e ndarë në doza.
Në vijim të veprimeve, gjatë kontrollit të banesës dhe të ambientit ku punonte 30-vjeçari, u gjetën sasi lënde e dyshuar narkotike kokainë, një pjesë e ndarë në doza, gati për shitje, dhe një peshore elektronike, të cilat u sekuestruan në cilësinë e provës materiale.
Nga hetimet ka rezultuar se ky shtetas, pasi siguronte lëndë narkotike, e shpërndante atë në doza, në zona të ndryshme të Tiranës, kryesisht në Unazë të Re.
Materialet i kaluan Prokurorisë, për veprime të mëtejshme procedurale. r.k
