VIDEO/ Deshtë “përplasin brirët” në Tropojë, bareshat simpatike nuk i ndalin dot

Dyluftime të ashpra kafshësh nuk ka vetëm në ndonjë Safari të largët afrikan, ku lufta për mbijetesë mbizotëron kudo.
Kësaj here dueli vjen nga Shqipëria…, pikërisht “përplasje brirësh” e ashpër deshësh në Tropojë.
Fotografi Fation Plaku ka publikuar një video, ku një tufë e madhe delesh shihet në mal në zonën e Currajt të Epërm.
Disa vajza simpatike, që mendohet se janë baresha mundohen ta shpërndajnë kopenë por më kot.
Më pas dy desh “përplasin brirët” gjatë përleshjes së tyre për të kontrolluar territorin dhe për të joshur delet rudë. Në këtë “përplasje” përfshihen edhe desh të tjerë.
Në video duket edhe një bari me fyell, tipik për zonën e bjeshkëve…, që shoqëron këtë “përplasje brirësh”.