FOTO/ Një histori përrallash, ja nga kush u mund Phelps…!

Micheal Phelps nuk arriti të shtojë edhe një tjetër medalje të artë olimpike, në karrierën e tij. Notari amerikan u rendit i dyti në finalen e 100 metrave stil flutur.
Phelps mori medaljen e argjendtë, ndërsa kampion olimpik u shpall sportisti nga Singapori Joseph Schooling.
Notari 21-vjeçar vendosi edhe një rekord olimpik.
Një histori përrallash ku gjithçka është e mundur. Djaloshi ishte takuar 8 vite më parë kur Schooling nuk e mendonte se do të garonte përkrah legjendës së notit botëror dhe do të fitonte të parën medalje të artë për Singaporin në lojërat olimpike.
Micheal Phelps ka edhe një tjetër mundësi për të shtuar rekordin e tij me 22 medalje të arta. Ai do të garojë edhe në 4×100 metra stil i përzier në Rio 2016.