FOTO SKANDAL/ Tepelenë, punimet në rrugë shkatërrojnë pasuri të rëndësishme arkeologjike

Image GalleryNjë shqetësim qytetar i bërë publik në rrjetet sociale, përveçse denoncon shkatërrimin e një pasurie të rëndësishme arkeologjike, denoncon njëherazi edhe indiferentizmin e strukturave shtetërore, përballë fakteve, të dukshme.
“Pa dashur, dje, kam qenë në një ‘skenë krimi’ pranë godinës së ish-komunës Qesarat, Tepelenë. Nga një vëzhgim i përshpejtuar konstatova struktura murale solide dhe qeramike e cila i përket tri periudhave kulturore: helenistike, romake dhe antikitet i vonë (shek III para Krishtit deri ne IV-V pas Krishtit). Komunikova me të gjithë aktorët dhe faktorët e mundshëm që subjekti ‘Vega – Konstruksion’ të ndalonte punimet dhe ti lihej radhë gërmimeve arkeologjike, por nuk qe e thënë. Edhe në këto momente punohet  (shkatërrohet).
Kryetari i fshatit Qesarat i irrituar me njofton se punimet vazhdojnë pa asnjë mbikëqyrje arkeologjike. “Urime” sistemit tonë kulturor për këtë kontribut”, denoncon Spiro Nika, ndërsa publikon edhe këto foto.