“Është një spekulim i trashë nëse mendoni se nuk ka më dashuri. Ku ka qetësi ka edhe dashuri”, tha sot Petrit Vasili në një intervistë për Ora news i ftuar nga gazetari Gerti Carcani.
Drejtuesi i lartë i LSI është përgjigjur lidhur me kohezionin brenda koalicion it qeveritar duke thënë se ai është i qëndrueshëm. “Një koalicion nuk vlerësohet nga subjektivizmi dhe emocione të rastit, ai vlerësohet nga arritjet dhe të tilla ka pasur mjaft”, tha Vasili duke e përcaktuar koalicionin si të qëndrueshëm.
Petrit Vasili tha në studion e Ora News se ligji për vettingun nuk rrezikon dhe shumë shpejt do të miratohet.
“
Nuk rrezikon vetingu, të jeni të qartë për këtë. Sot është një mbledhje dhe shumë shpejt kjo gjë do të mbyllet. Themeli si është i ndërtuar vetingu ne e kemi në kushtetutë. Ndonjë dicka do të saktësohet në Komision. Vetingu është një praktikë e rrallë”, tha ai.
Lidhur me kandidatin e PS për Dibrën, Vasili tha se si doktor ai ka kryer punën e tij ndërsa lidhur me akuzat e opozitës për kandidatin Rama, Vasili sugjeroi që ato akuza të shkojnë në vendin e duhur.
