Nesër gjykata e Vlorës do të japë masën e sigurisë për oficerin e policisë Arjan Tase.
Gjykata ka caktuar ditën e premte më 5 gusht ora 10:30 seancën gjyqësore për oficerin që shkaktoi vdekjen e 7-vjeçares Jonada Avdiaj.
Ai akuzohet për vrasje nga pakujdesia, e cila parashikon një dënim nga gjobë deri në 5 vite burg.
Gjykata ka mundësi të ndërrojë akuzën duke e konsideruar vrasje.
Arjan Tase i shpëtoi drejtësisë para dy vitesh kur çështja e tij në lidhje me kultivimin e kanabisit u mbyll.
Në territorin që ai mbulonte si shef komisariati në datën 3 tetor 2020 gjatë një monitorimi me avion të Guardia Di Finanza u pikas një parcelë me 6690 rrënjë kanabis.
Droga ishte e mbjellë në zonën e Vranishtit pjesë e bashkisë së Himarës.
Por prokuroria e Vlorës për shkak të disa veprime të tjera hetimore me datë 13 dhjetor 2020 vendosi të kryejë arrestime dhe ndalime për këtë operacion.
Me vendimin të gjykatës së Vlorës numër 299 datë 13 dhjetor për Arjna Tase është caktuar masa e sigurimit personal pezullim të ushtrimit të detyrës ose shërbimit publik.
Mbi të ishte ngritur akuza e shpërdorimit të detyrës pasi nuk kishte marrë masa që trafikantët të mbillnin drogë.
Këtu fillon edhe kapitullimi i sistemit të drejtësisë në këtë çështje.
Gjykata e Apelit Vlorë vetëm 23 ditë më vonë në datën 6 janar 2021 ndryshon vendimin për Arjan Tasen.
Sipas vendimit numër 60 të kësaj date ndaj shefit të komisariatit të Himarës është caktuar masa e detyrimit për t’u paraqitur në prokurori.
Mbi këtë vendim është ndërprerë edhe pezullimi disiplinor i Arjan Tases nga policia dhe më pas ai është rikthyer në detyrë sërish.
Sipas burimeve, në këtë kjo dosje u hetua nga ish-prokurori Maksim Sota , i cili u arrestua në Korrik të 2021 gjatë operacionin “shpirti”.
Sipas SPAK ai kishte ndihmuar trafikantët e kanabisit në qytetin e Vlorës.
Në këtë kohë policia e shtetit drejtohej nga Ardi Veliu.
Pavarësisht vendimit të gjykatës ish-drejtori i përgjithshëm Veliu mund të kishte përdorur mekanizma të tjera që ia njeh ligji për ta mbajtur të paktën të pezulluar Arjan Tasen.
Me këto zhvillime brenda një muaji fati i hetimeve për Arjan Tasen dukej i vendosur.
Në prill të 2021 prokuroria e Vlorës dërgon dosjen në gjykatë për gjykim dhe në 40 personat e arrestuar apo të cilët ishin nën hetim mungonte vetëm emri i Arjan Tases.
Për të prokuroria e Vlorës sipas hetimeve kishte kërkuar pushimin e çështjes. Pas kësaj ai ishte dërgua shef në Peqin, e mandej shef i policimit në komunitet në komisariatin e Elbasanit. Detyrë të cilën e mbante edhe gjatë ditës kur shkaktoi tragjedinë në Himarë, ndërkohë që ai u përjashtua nga radhët e policisë në të njëjtën ditë nga Gledis Nano.
Akuza e ngritur ndaj tij është ajo e vrasjes nga pakujdesia, dhe dënimi maksimal që ai rrezikon është deri në 5 vite burg, ndërsa kjo vepër e kodit penal parashikon edhe ndëshkimin me gjobë. r.k
