U zhvillua sot ceremoniali i ngritjes simbolike të flamurit të BE, pas çeljes zyrtare së negociatave për anëtarësimin e Shqipërisë në familjen e bashkuar europiane.
“Ngritja e flamurit të BE shënon ngritjen e ngritjen e Shqipërisënë një tjetër nivel, jo vetëm në marrëdhënie me BE, por edhe me të ardhmen e saj, me institucionet, liritë dhe të drejtat, sigurinëdhe zhvillimin e saj në çdo drejtim.” – tha mes të tjerash Kryeministri Rama në përshëndetjen e rastit.
Në ceremoni Rama nuk ka ftuar opozitën, as arë të veten, por as tjetrën, duke shënuar kështu një precedent në ceremoni të tilla.
Kush Shqipëria u anëtarësua në NATO, Berisha si kryeministër kishte në krah plot socialistë.
“Do kisha dashur shumë që sot të mund të ishte këtu dhe opozita, jo thjeshtw sepse jo gjithçka që është arritur në këtë rrugë të gjatë mban vulën e palës sonë, por sepse ky nivel i ri marrëdhëniesh i Shqipërisë me Bashkimin Europian, natyrshëm, kërkon edhe një nivel të ri marrëdhëniesh mes qeverisë dhe opozitës.
Mirëpo, sot për sot, opozita ndodhet në një hendek të madh mes një pjesë të identifikuar me gjithçka bie ndesh me frymën dhe me logjikën e marrëdhënieve të Bashkimit Europian me Shqipërinë, që nga korrupsioni domethënës tek minimi i demokracisë dhe një pjese tjetër, e cila ndryshon nga e para vetëm për faktin se nuk është damkosur si e padëshirueshme për partnerët tanë ndërkombëtarë dhe këta të dytët, edhe kur i fton nuk vijnë sepse kanë frikë nga të parët. Kështu që, hë për hë, do bëjmë sicc kemi bërë gjithmonë se gjë tjetër nuk bëjmë dot edhe po të duam”, tha Rama. r.p
