Zyra e BE-së në Tiranë ka shpërndarë një njoftim lidhur me tentativën e sotme për negociata midis mazhorancës dhe opozitës.
Në deklaratën e shpërndarë ne emër të David McAllister dhe Knut Fleckenstein shpjegohet se çfarë është diskutuar deri më tani.
Sipas BE-së, Eurodeputetët kanë paraqitur propozimet e tyre, që lidheshin me luftën kundër drogës dhe masat teknike për zgjedhje të lira e të ndershme.
Nga ana e saj, PD ka këmbëngulur për qeverie teknike dhe votim elektronik.
Ndërsa mazhoranca ka kërkuar votimin e Vetting-ut nga opozita.
Deklaratë në emër të Kryetarit të Komisionit të Punëve të Jashtme të Parlamentit Evropian David Mc Allister (PPE) dhe Raportuesit për Shqipërinë i Parlamentit Evropian Knut Fleckenstein (S&D)
Kryetari i Komisionit të Punëve të Jashtme të Parlamentit Evropian David McAllister (PPE) dhe Raportuesi për Shqipërinë i Parlamentit Evropian Knut Fleckenstein (S&D) u takuan me mazhorancën dhe opozitën dhe patën një diskutim të mirë. Dy europarlamentarët paraqitën propozime për të ardhmen që përfshinin pika mbi dekriminalizimin, luftën kundër lëndëve narkotike, masa teknike për përmirësimin e kryerjes së zgjedhjeve, si dhe masa për ndërtimin e besimit politik. Ata propozuan gjithashtu ide për diskutim mbi datën e zgjedhjeve dhe ndryshime të mundshme parazgjedhore në strukturat e qeverisë për të ndërtuar besim afatgjatë te sistemi. Nga ana e maxhorancës pati dakordësi mbi pikat e propozuara me kusht që Vetting-u të votohet në parlament. Partia Demokratike iu përmbajt pozicionit të saj për emërimin e një kryeministri teknik dhe miratimin e një sistemi elektronik votimi për të pasur zgjedhje të lira dhe të ndershme.
DRONI.al
