Ushtarët e Ukrainës rrëzuan një dron rus në kufirin e tyre me Poloninë ndërkohë që droni preku hapësirën polake para se të shkatërrohen duke shënuar incidentin e parë të rëndë të Rusisë ndaj një vendi të NATO-s.
Sipas “The Times”, droni u rrëzua në qytetin ukrainas të Yavforiv pasi po kryente një mision aty, ndërkohë që kishte ardhur në zonë duke fluturuar mbi qiellin polak.
Forcat e Armatosura të Ukrainës thanë se droni dukej se po vlerësonte dëmet e shkaktuara në bazën ushtarake Yavoriv pranë Lviv gjatë fundjavës, pasi sulmet me raketa vranë të paktën 35 persona.
Forcat e Putinit nisën sulme me raketa vetëm 20 kilometra nga kufiri polak me Ukrainën në orët e para të mëngjesit të së dielës.
Sulmi ajror, i cili shkatërroi bazën ushtarake Yavoriv pranë Lviv, vrau të paktën 35 persona dhe plagosi 134 të tjerë.
Ndërkaq një shtetrrethim do të vendoset në Kiev nga kjo mbrëmje deri të enjten në mëngjes, tha kryetari i bashkisë së Kievit, Vitali Klitschko.
Qyteti ka parë granatime në rajonet e tij të jashtme gjatë natës, me dy ndërtesa banimi të goditura me raketa.
