N/kryetarja e PD, Jorida Tabaku theksoi sot tre emrat që përkujdesen për të dhënat e shqiptarëve.
DEKLARATA E NËNKRYETARES SË PD, JORIDA TABAKU, NË KONFERENCËN PËR MEDIA:
Dua të ndalem në Komisionin Hetimor të serverit të tatimeve.
Të gjithëve ju kujtohet se si Spartak Braho bashkë me këshilltarin e Kryeministrit Ermal Beqiri dhe vëllain e Sekretarit të Përgjithshëm të PS-së Panajot Gjiknuri, shkojnë në Drejtorinë e Përgjithshme të Tatimeve për të marrë bazën e të dhënave për të gjitha bizneset.
PD kërkoi një Komision Hetimor i cili provoi se këto të dhëna përdoreshin në zyrën e Kryeministrit.
Atëherë ligji u ndryshua në vitin 2015 dhe përgjegjës për sigurinë e të gjithë të dhënave në Republikën e Shqipërisë është AKSH-i.
Sot e dimë se burimi i të dhënave që kanë dalë dhe janë bërë publike, ashtu si edhe me patronazhistët është AKSH-i.
Unë kam nxjerrë disa tendera të cilat janë për sigurinë e të dhënave.
Në periudhën 2014-2021 qeveria shqiptare ka shpenzuar 43.4 milionë euro, 881 transaksione, pagesa për AKSH-in për sigurinë e të dhënave. Dhe e dini se kush është përgjejgës për të ruajtur të dhënat?
Ilir Beqja, që iu hoq mandati, pikërisht për këtë arsye sepse ka marrë tendera ndërkohë që ishte deputet dhe ministër.
Armand Frangu, të cilin PD e ka denoncuar nga kjo sallë.
Ermal Beqiraj, këshilltari i kryeministrit.
Sot në qoftë se ka persona përgjegjës për sigurinë e të dhënave, ata janë Edi Rama, njerëzit e afërt të tij dhe sigurisht AKSH-i.
Nuk ka nevojë të vendosim gishtin as tek punonjësit e thjeshtë të tatimeve për t’i bërë kurbanë e kokë turku, sicc po ndodh edhe në rastin e inceneratorëve. a.b
