DETAJE/ Fjalët e fundit dhe me kë e krahasonte veten i vetëvrari sot në Rinas

Policia e Riansit ka reaguar zyrtarisht për ngjarjen e sotme në aeroport.
Sipas saj, sot më datë 01. 09. 2016, forcat e policisë të Komisariatit të Policisë së Rinas janë njoftuar se një person i paidentifikuar ka hipur mbi tarracën e zyrave të kompanive ajrore, dhe prej aty është hedhur duke pësuar dëmtime të rënda dhe si pasojë më pas ka vdekur në spitalin ushtarak.
Nga veprimet e para hetimore ka rezultuiar se personi quhet Juglend  Kapllanaj, 23 vjeç, lindur dhe banues Tiranë.
Ky shtetas ka ardhur në 15.30 me linjën ajrore “Adria Airways” nga Mynihu.
Pasi ka kaluar kontrollin kufitar në hyrje të Republikës së Shqipërisë, ai është drejtuar tek informacioni i administratës së TIA-s, ku nga deklarimet e para rezulton se ai është shprehur se është Spiderman (protagonist i filmave fantashkencë).
Pas kësaj ky person është konstatuar mbi tarracën e zyrave të kompanive ajrore, prej nga ku më pas është hedhur nga një lartësi prej 7-8 m.
Forcat e policisë janë afruar menjëherë me marrjen e njoftimit për këtë person por ai nuk ka komunikuar me asnjë por menjëherë është hedhur.
Nga ana e policisë është bërë transportimi i menjëhershëm i trupit të personit të dëmtuar për ti dhënë ndihmën e parë, por megjithatë ky shtetas nuk ka arritur ti mbijetoj plagëve të marra, ku ka  ndërruar jetë në spitalin ushtarak.
Vazhdon puna hetimore për zbardhjen e rrethanave të plota të ngjarjes.