Presidenti Ilir Meta tha sot se kreu i PD, Lulzim Basha i ka shkuar në Gjermani në vitin 2019, kur ai ndohej në një vizitë zyrtare.
Meta tha se Basha shkoi në Gjermani dhe e takoi duke iu lutur me lot në sy që të anulonte prostetën e 8 qershorit që ishte paralajmëruar nga vetë Opozita e Bashkuar për rrëzimin e kryeministrit Edi Rama.
“E ndjejnë presionin e këtij vendimi të vështirë për mosmarrjen e Opozitës në zgjedhjet vendore. Siç e dini Presidenti kishte caktuar datën 30 qershor. Sa më shumë afrohej data 30 qershor, aq më shumë përshkallëzohej konflikti mes partive. Dukej qartë se palët politike provokonin njëri-tjetrin. Kjo situatë u shoqërua me dhunë, patën të plagosur e të dëmtuar, mijëra qytetarë përjetuan gazin. Kjo e tensionoi klimën politike në vend. Në qershor, Opozita mbajti protestën masive finale. Gjuha e urrejtjes që përdornin palët politike e në mënyrë të veçantë ajo që përdorte i ashtuquajturi kryetari i Opozitës së madhe, dukej qartë se rrezikohej paqaj në vend se integrimi në BE as që bëhej fjalë.
Presidenti administroi informacione se gjatë kësaj proteste do të përdorej dhunë arbitrare ndaj institucioneve. Presidenti ndodhej në Gjermani në këtë kohë, kohë gjatë të cilës erdhi edhe zoti Basha, iu lut Presidentit tq Republikës dhe në prezencë të të tjerëve. Iu përgjërua me lot në sy që Presidenti të anulonte protestën e 8 qershorit. Kjo pasi Basha nuk e mbante dot më nën kontroll popullin,”- tha Meta sot në konferencë shtypi.
“Meta anuloi datën e zgjedhjeve duke marrë përgjegjësi, për t’i dhënë një rrugëdalje Bashës dhe aktorëve të tjerë politikë në vend. Ky vendim nuk ishte i lehtë për mua, aq më tepër pa u konsultuar nga kreu i Parlamentit. E mora në telefon, por ishte në jug të vendit. Aq më tepër me kryeministrin që s’mund të ishte i lumtur për një vendim të tillë. Ishte kulmi i lojës për ndryshimin e kufijve në Ballkan. Duke mospatur kohë por duke pasur shqetësim përderisa ai vetë që thërriste vendin në protesta, ishte vetë i shqetësuar. Të mos harrojmë që në të 7 protestat, dhjetra qytetarë e policë kishin pësuar lëndime të rënda. Meta kërkoi dialog për një datë të re. Presidenti më pas miratoi datën 13 tetor si ditë zgjedhjes,”-tha Meta ndër të tjera.
“Pas dekretimit të datës 13 tetor, veprimi më minimal që duhet të kryente Lulzim Basha ishte që të paraqiste regjistrimin në KQZ për zgjedhje, datë për të cilën ra dakprt vetë. Por çfarë ndodhi? Sipas konfirmimeve zyrtare rezulton se Lulzim Basha dhe Partia Demokratike nuk kanë denjuar të bëjnë asnjë kërkesë zyrtare për tu regjistruar në zgjedhje për të cilat Presidenti ishte konsultuar me Lulzim Bashën dhe kishte marrë dakortësinë e tij dhe të aleatëve të tij. Ndryshe nga Basha, Partia Republikane, PP-ja e LSI-ja i kanë paraqitur kërkesë KQZ-së për të marrë pjesë në zgjedhje.
Basha bpjkoti jo vetëm 30 qershorin që kishte rënë dakort apo ua kishte imponuar edhe aleatëve të tij por edhe 13 tetorin datë kur aleatët e tij donin të futeshin në zgjdhje. Mbledhja që u thirr nga KQZ-ja nuk u bë kurrë sepse anëtarët e PS-së bojkotuan pasi vetë kryedemokrati kishte bojkotuar, si do të bëheshin zgjedhjet pa PD? Kujt i shërbeu Basha duke mos e regjistruar partinë në zgjedhjet e 13 tetorit? Ishte në sinkron të plotë me bojkotin e katër anëtarëve të PS-së në KQZ që organizuan zgjedhjet e paligjshme të qershorit, nuk i shërbeu aspak vendit e Opozitës. E përjashtoi totalisht nga zgjedhjet vendore, nuk e mbështeti aspak as Presidentin e Republikës. Me mosparaqitjen për t’u regjistruar në zgjedhje, Basha u vendos në krahun e Ramës, përmes një procesi hetimor të iniciuar nga një Kuvend njëpartiak. Dhe ky i dhuruar nga vetë Basha. Këto ishin disa fakte për t’ju treguar se e ka ndihmuar Basha institucionin e Presidentit. Do të ketë edhe fakte të tjera, por ky fakt ka të bëjë me të gjithë qytetarët. Ata duan llogaridhënie dhe debat, e kurrsesi një abuzim flagrant.
Atë e thirrën në Gjermani, unë kisha vizitë të planifikuar prej muajsh. E thirrën atje dhe i thanë ‘More djalë i mbarë, u hodh edhe një shashkë, ne do distancohemi nga ty. Mos na përdor më ne se sikur ne të kemi thënë digji mandatet se na kanë thënë gjermanët’. Kështu i kanë thënë ata. Prandaj dridhej dhe qante ky. Mua më thanë zoti president si mund t’ju ndihmojmë që të mos ndodhi ndonjë hata ditën e shtunë dhe të bëhen zgjedhje lokale gjithëpërfshirëse,”-tha Meta ndër të tjera. a.b
