Kryeministri Edi Rama u takua sot në Romë me kryeministrin italian Mario Draghi.
Në konferencën e përbashkët për shtyp me homologun italian, Mario Draghi kreu i qeverisë shqiptare, Edi Rama tha se kishte kërkuar përshpejtimin për njohjen e pensioneve të shqiptarëve në shtetin fqinj.
“I kërkova kryeministrit edhe një përshpejtim të procesit të njohjes së pensioneve. Folëm edhe për sigurinë e drejtësinë dhe mendoj se kemi mundësi të mira për të zhvilluar projekte që t’u drejtohen më shumë të rinjve. t’i tërheqin drejt një edukimi me cilësi të lartë, siç është akademia italian e policisë, apo shkolla italiane e magjistraturës. Ne tani mund të bëjmë shumë më tepër sepse sot nuk janë vetëm shqiptarë që punojnë e jetojnë në Itali, por edhe italianët, sipërmarrës apo studentë në Shqipëri. Italia është një vend shumë i zhvilluar, Shqipëria një vend në zhvillim e sipër, por duhet që të gjenden rrugët për t’i forcuar këto lidhje, uroj që kryeministri të ketë mundësinë për të vizituar Shqipërinë”, tha Rama. a.b
