Një efektiv i Gardës së Republikës është plagosur sot me armë zjarri. Paraprakisht dyshohet se ngjarja ka qënë aksidentale ndërkohë që efektivi ndodhet në spitalin e Durrësit.
“Në Spitalin Rajonal Durrës është paraqitur për ndihmë mjekësore shtetasi M. G., 29 vjeç, punonjës i Gardës së Republikës, i cili është dëmtuar aksidentalisht në këmbë me armën e shërbimit. Aktualisht ndodhet jashtë rrezikut për jetën”, thuhet në njoftimin e policisë.
Materialet kaluan në Prokurorinë e Rrethit Gjyqësor Durrës, për veprime të mëtejshme. a.b
