Deputeti i PD-së në Lushnjë, Saimir Koreshi, gjatë fjalës së tij në Parlament ka përshkruar varfërinë e thellë të qytetarëve por në vend të skuqeshin deputetët socialistë u shkrinë gazit duke u ndjekur edhe nga ata në të djathtë.
Pjesë nga fjalimi i deputetit Koreshi:
Ku jetoni ju? Ore në çfarë bote jetoni ju? Lushnja është në ditët më të varfëra. A e dini ju sa ka paguar një njeri për të ndjekur me infermier në shtëpi sëmundjen, sepse të gjithë kanë zgjedhur regjimin në shtëpi pasi u hap fjala se po shkove në Tiranë kthehesh me arkivol.
Nuk të vjen infermieri pa 50 euro dita. Kostot për një të sëmurë kanë qenë 3 milionë lekë. Kjo ndodh, kjo ndodh me të gjithë ju, se thoni arsimi shkolla. Cili arsim? Këtu nuk ka më nxënës se të gjithë kanë ikur në emigrim.
Kjo është situata e sotme, ju jetoni nëpër ëndrra. Ju mendoni se këtu vjen kometa “Halley”. Po, po kështu ,mendoni të gjithë ju! Mendoni se këtu po bëhet nami, se ne jemi eksportuesit më të mëdhenj në botë.
Po të shikoni se çfarë ndodh konkretisht do të kuptoni se ju keni qëndruar gjitë jetën në Tiranë dhe nuk e njihni fare bazën.
Thoni keni bërë peshkim me akciz zero për naftën. Keni shembullin e kënetës së Karavastasë. Shikoni shembullin para tetë vitesh se sa paguhej fitimi në tattime që jepte kjo kënetë. Sot del me humbje. Këtu ka dy gjëra, o ju rruani lekët ose peshku ka frikë nga ju dhe ia ka fut vrapit.
Ju thoni policia. Me cilin polici do të ndiqni krimin ju? Me atë policin që mori lekët dhe iku me vrap dhe s’kishte guxim të dilte përpara kamerave. Me atë FNSH që të del natën, me atë polici që nuk kanë paguar akoma lekët e mishit nëpër dyqane. Me këtë polici do ta ndiqni krimin ju.
Po si ka mundësi ngjarja më tronditëse në Lushnjë, vriten dhe plagosen 5 persona dhe të gjithë ikin në drejtim të paditur përfshirë dhe policinë. a.b
