Gjatë fjalimit të saj në Parlamentin e Shqipërisë, deputetja e PD, njëkohësisht nënkryetarja Tabaku u shpreh se opozita ka gjetur një parlament me më shumë të inkriminuar.
“Lamë një parlament me 6 persona të inkriminuar dhe sot e gjejmë me 12 të tillë, lamë një parlament me manipulime të faktuara nga përgjimet ambientale të prokurorisë së Krimeve të Renda ku dukej qartazi skema e blerjes së votave përmes grupeve kriminale në Dibër dhe Durrës, ndërkohë që sot gjejmë një parlament ku skema e blerjes së votës u shtri në çdo qelizë.” U shpreh ajo ndërsa nisi fjalën e saj në kuvend.
– Tabaku: ODIHR vërtetoi vjedhjen e zgjedhjeve
Deputetja Tabaku ndërsa vuri në dukje situatën e nderë të krimit në paralmentar u fokusua në evidentimin e përdorimit të fondeve të tërmetit në kundërshtim me ligjin dhe duke blerë votën e qytetarëve. Ajo kujtoi se pagesa e parave të tilla gjatë fushatës ishte në kundërshtim me ligjin electoral.
Ndërkohë që shtoi se ky raport I ODIHR evidentoi dhe provoi blerjen e votës.
“…..Ku dhe fatkeqësia u vodh, u grabit u përdor për vota si cdo gjë e kësaj qeverie. Ku 125 mln euro u shpërndanë pak ditë para zgjedhjeve duke shkelur me të dyja këmbët cdo parim e standart normal por dhe më shumë një nga pikat e marrëvehsjes së 5 qershorit!
Ka pasur shumë raporte të OSBE ODHIR në vite, po ky i kësaj here ishte i vemti që shprehimisht shkruante se votat u blenë me para të buxhetit të shtetit! “ u shpreh Tabaku.
– Tabaku: qeveria shqiptare nuk mbështeti qytetarët gjatë pandemisë.
Duke analizuar plotësisht të dhënat për ndihmën ekonomike gjatë pandemisë znj Tabaku u shpreh se qeveria u gjend e gatshme të ndihmojë oligarkinë por jo shqiptarët.
“Kjo është mazhoranca që i dha shqiptarëve gjatë pandemisë 0.86% të PBB-së ndërkohë që oligarkëve u jep mbi 10% të PBB-së me kontratat koncesionare.” tha Tabaku.
Më tej ajo I kujtoi qeverisë se ka punuar për projektet PPP edhe në mes të pandemisë duke evidentuar inceneratorët.
“E njëjta qeveri që inceneratorit të Elbasanit, Tiranës dhe Fierit në bashkëpronësi të të cilit është as më shumë e as më pak se Arben Ahmetaj i dhuroi nga taksat e shqiptarëve 54 mln euro nga viti 2019 në 2021.”
Sipas saj një qeveri e tillë nuk mund të prodhojë një program politik për periudhën post pandemi. Tabaku reshtoi realitetin ekonomik në vend duke evidentuar problemi serioz të ekonomisë.
– Tabaku: Shqipëria vendi më i korruptuar në Europë
Shqipëria, sipas deputetes së PD, është një nga vendet më të varfëra pasi ka GDp për frymë më të ulët në rajon. Ndërkohë që investimet e huaja direkte në raport me PBB-në janë gjithashtu më të ulëtat.
Shqipërisë, u shpreh Tabaku, i është e nxirë si vendi më i korruptuar në Evropë, ndërkohë që po sipas të njëjtit material ekonomia shqiptare është informale në masën 40% të saj.
Ndërkohë që ajo theksoi se sot jo rastësisht vendi jonë është kthyer në një oaz të pastrimit të parave.
“Sot Shqiperia etiketohet si parajsa e pastrimit të parave, ku vizioni i vetëm ekonomik është ai i mbështetjes së më të fortit. Vetëm në 3 vite raportohet se janë pastruar një vlerë prej 1.6 mld euro.” U shpreh Tabaku.
– Tabaku: Nuk mund të ketë sukses një qeveri që ka dështuar në gjithë reformat e saj.
Në fjalimin e saj deputetjaTabaku vërejti se reforma në energji, reforma në pensione dhe ajo në arsim kanë dështuar. Ndaj Rama e ka të pamundur që të implementojë reforma vetëm se të thellojë dëmin e madh.
“Çdo gjë që është prekur e ndryshuar ka rezultuar një dështim dhe është shitur si reformë. Në çdo fushë e njëjta skemë dështimi dhe korrupsioni.
Reforma energjitike rriti çmimin e energjise, nurgosi 20 000 shqiptarë dhe prodhoi një humbje 60 mln euro prej korrupsionit e babëzisë në OSHEE!
Reforma në pensione që na u shit si reforma më serioze sociale në vend sot rezulton me një deficit të frikshëm. Vetëm në 6 mujorin e parë të 2021 deficiti i skemës u rrit me 23% apo 2.3 mld lekë në raport me 1 vit më parë.
Reforma në arsim, të cilën zonja kryetare e kuvendit e mban mend shumë mirë sepse këmbëngulja e saj për ta miratuar këtë gjoja reformë disa vite më pas i kushtoi vendin e saj në ministri. Kjo reformë prodhoi një nga protestat më të gjatë të studentëve dhe një marrëveshje të qeverisë që as u zbatua kurrë.
Po dështimi më i madh e pengesa më i madh i Ramës është ajo në rrugën e procesit të integrimit europian! “ argumentoi Tabaku.
– Tabaku e konsideron “Open Balkans” si një proces që nuk çon në BE por në Beograd: “Rama e zëvendësoi procesin e Berlinit me Procesin e Beogradit
Duke vënë në dukje se qeveria nuk ka asnjë fjalë për procesin e integrimit dhe duke evidentuar mungesën e serizitetit dhe angazhimit të Ramës karshi integrimit, nënkryetarja e PD dhe deputetja Tabaku u shpreh se vëmendja e Ramës është për tu integruar në Beograd dhe jo në BE.
“Asnjë fjalë për 15 kushtet madje fatkeqësisht asnjë fjalë se si nga 3 kushte me të cilat ne e lamë Shqipërinë përfunduam në 15 të tilla.
Akoma më qesharake është kur lexon se sipas programit të qeverisë dhe me gjasë sipas qeverisë, Shqipëria i paska hapur negociatat.
Ai nuk e përmend integrimin në BE sepse nuk beson tek BE dhe as tek integrimi vendit.
Jo rastësisht ai nuk flet më për Procesin e Berlinit por gjithë energjitë e tij dhe të programit të tij ia ka kushtuar Procesit të Beogradit, njohur ndryshe si Open Balkans!
Shqipëria prej 2013, ndodhet më larg BE se 8 vite më parë në parime, në standarte në demokraci, në liri të medias, në liri për qytetarët e saj, me një drejtësi të kompromentuar, me politikanë që sfidojnë ligjet, me krim të organizuar që manaxhon parlamentin dhe me një qeveri që ideon ligje speciale për bizneset pranë saj.
Shqipëria e Ramës është ajo e gangsterëve që bëjnë ligjin si në Elbasanin e krimit të organizuar.” U shpreh në fjalën e saj Tabaku.
– Tabaku: Programi i qeverisë i fokusuar tek oligarkët, PPP, koncesionet dhe blerja e votës.
Në fund të fjalës së saj Tabaku theksoi se thelbi i buxhetit të qeverisë përmblidhet në pesë pika kyçe.
Qeveria dhe mazhoranca, sipas saj, sot nuk ka prezantuar një program, pasi ky që sot prezantohet si i tillë prej 41 faqesh, po t’ia heqësh ujrat, pra propagandën përfundon në 5 pika kryesore rreth të cilës është vërvitur kjo mazhorancë dhe Rama që nga viti 2013. Open Balkan, Korrupsioni, PPP-të, Oligarkët dhe Blerja e Votës.
