Spitali covid-19 në Tetovë u pushtua nga zjarri sonte rreth orës 21, konfirmoi ministri i Shëndetësisë, Venko Filipçe.
Një numër pacientësh kanë humbur jetën ndërsa zjarri është shuar. Besohet se 14 prej tyre humbën jetën ndërsa 30 të tjerë pësuan djegie.
lPamjet e tmerrshme dëshmojnë që spitali është dëmtuar shumë. Në këtë spital ka 84 pacientë.
Ministria e Shëndetësisë në një kumtesë tha se momentalisht po përcaktohet numri i saktë i viktimave, të plagosurve dhe gjendja e tyre.
“Zjarri tashmë është shuar dhe të gjitha ekipet nga spitali janë mobilizuar për të ndihmuar të plagosurit. Ata transportohen urgjentisht në Shkup për tiu siguruar kujdesin përkatës, ekipet e Klinikës janë mobilizuar. Ministri i Shëndetësisë Venko Filipçe ndodhet në Tetovë. Pas inspektimit, do të informojmë publikun për situatën faktike.” thuhet në kumtesë.
Sipas kryetares së Tetovës, Teuta Arifi, është dëgjuar eksplosion i shpejtë ndërsa zjarfikësit, sipas saj, kanë reaguar shpejtë.
Kryeministri, Zoran Zaev, ministri i Shëndetësisë, Venko Filipçe dhe zëvendësi i tij, Ilir Hasani janë në Tetovë, raporton portalb.mk.
