Foto Ilustruese
Në bazë të informacioneve të mara në rrugë operative nga Seksioni për Hetimin e Narkotikeve ne Drejtorinë Vendore te Policisë Tirane, në bashkëpunim me SHÇBA Tiranë, rezultonte se një punonjës policie merrej me shitjen e lëndëve narkotike cannabis sattiva, dhe për ta transportuar lëndën narkotike përdorte automjet policie me qëllim shmangien e kontrolleve nga shërbimet e policisë gjatë transportit te drogës.
Për pasojë, sot specialist të Seksionit për Narkotikët në bashkëpunim me forcën e Posacme Operacionale të DVP Tiranë ne rruge “ Elbasanit” afër rrotullimit te Sanatoriumit, u finalizua me sukses Operacionin “FALKO” dhe u bë e mundur arrestimi në flagrancë i…:
1. Dashamir Qershori, 44 vjeç lindur në fshatin Picall, Komuna Petrelë, me detyrë Punonjës Policie (shofer në Departamentin e Shërbimeve të tretëve pranë Drejtorisë së Policisë Shtetit)
2. Elton Elezi, vitlindja 1991, lindur në fshatin Gurrë e Vogël dhe banues në Durrës.
Dashamir Qershori dhe Elton Elezi ne bashkëpunim me njeri-tjetrin dyshoheshin se kryenin aktivitetin kriminal të shitjes së lëndëve narkotike të dyshuar te llojit “Cannabis Sattiva” ne zonën e Farkës, Sauk dhe Sanatoriumit.
Nga ana e shërbimeve policore është organizuar shërbim me qëllim kapjen në flagrance të këtyre shtetasve dhe konkretisht në rrugën “ Elbasanit” pranë Kthesës së Sanatoriumit ku është konstatuar automjeti tip Fuoristradë Mitsubishi me sistem drita vezulluese (fenerlina) policie me targa TR 6167 F, ngjyre blu me dy personat e lartpërmendur.
Është ushtruar kontroll në automjetin e mësipërm i cili ka qenë i parkuar dhe në bagazhin e këtij automjeti janë gjetur 2 (dy) thasë të zinj plasmani brenda të cilëve gjendej bimë ngjyrë jeshile me erë karakteristika me atë të Cannabis Sattiva.
Menjëhere është bërë ndalimi i këtyre personave ku i Elton Elezi është larguar me vrap, por për ta neutralizuar policia ka qëlluar në ajër. Ai është kapur disa metra më pas nga ana shërbimeve të Policisë.
Nga kontrolli personal i ushtruar shtetasit Elton Elezi, në çantën e krah qafë i është gjetur dhe sekuestruar në cilësinë e provës materiale bimë ngjyrë jeshile me erë karakteristike si e Cannabis Sattivas, ku pas peshimit rezultoi me peshe 2 (dy) gram .
Gjithashtu , në bagazhin e automjetit e përshkruar më lart pas peshimit në peshoren rezultoi 12.5 Kilogram e cila u sekuestrua e do të dërgohet për ekspertim të mëtejshme në DP Shkencore Tiranë.
Gjithashtu janë sekuestruar në cilësinë e provës materiale:
1. Automjet policie me targa TR 6167 F.
2. Telefona celular, një cantë krah qafe.
Materialet do ti kalojnë Prokurorisë së Rrethit Gjyqësor Tiranë për veprime të mëtejshme hetimore për veprat penale te “Prodhimit dhe shitjes së lëndëve narkotike në bashkëpunim ”, parashikuara nga neni 283/2 të Kodit Penal .
