Një video e re regjistruar pas emisionit të ‘Shihemi në gjyq’ të Eni Çobanit është publikuar sot ku sërish dy vëllezerit që kërkuan të rrihen në emision iu vërsulën njëri tjetrit.
Eduardi ka marrë një kredi prej 15 milionë Lekësh në vitin 2008 për vëllain e tij Gramozin, i cili kishte një biznes të gjësë së gjallë. Për arsye të shumta, kjo kredi nuk është paguar akoma dhe tani ka shkuar rreth 30 milionë Lekë.
Tani Eduardi i kërkonte vëllait të tij Gramozit që të paguajë lekët e kredisë sepse banka po e shqetëson atë dhe se mund t’ia marrë të gjitha pronat që ka. Në një moment në studio situata degradoi… Të dy vëllezërit hoqën rripat e pantallonave për të gjuajtur njëri-tjetrin.
E gjendur mes dy vëllezërve, Eni Çobani ka thirrur stafin e sigurisë, të cilët kanë mbajtur larg Eduardin dhe Gramozin.
