Kandidati për kryetar të PD, Fatbardh Kadilli ka bërë një deklaratë fill pas votimit. Kadilli tha se pavarësisht kush fiton, manifesti politik qe ka propozuar do të implementohet.
Deklarata pas votimit:
Eshtë një moment shumë i rëndësishëm për PD dhe të gjithë anëtarët e saj. I ftoj të gjithë të marrin pjesë në votim, sepse sot tregojmë që e duam këtë parti, që duam që të ringrihet dhe ringritja fillon sot ku çdo anëtar merr përgjegjësite e veta për t’ju përgjigjur detyrimit për të votuar lidershipin e ri.
Eshtë një garë që u mbyll ashtu sic u nis e pabarabartë. Por, është një garë për të cilën jam i lumtur që ndeza shkëndijën e parë të saj. Ju rikthye gara PD falë kurajos dhe propozimit. Ky është kontributi im i parë. Në vazhdim, Manifesti Politik për ringritjen e PD do jetësohet dita dites për ta bërë këtë parti atë që ne të gjithë e duam, një parti e Pastër e Hapur e Bashkuar dhe FITUESE.
Shqetesimi im i vërtetë sot, është fryma me të cilën do të dalin anëtarët e PD nga ky proces.
PD dhe anëtarësia e saj në një kohë shumë të shkurtër kishin detyrimin për një reflektim shumë të madh. Eshtë hera e parë që një forcë politike shtrëngohet që në pak kohë të reflektojë shumë. Ju Faleminderit.
