Zbardhet dhe dokumentohet ngjarja e ndodhur më datë 15 maj, në lagjen Guerrile, Shkodër, ku u gjet i vrarë me armë zjarri Endri Mustafa.
Shpallet në kërkim autori kryesor i dyshuar për vrasjen e 32-vjeçarit, Ibrahim Liçi.
Arrestohet në flagrancë bashkëpunëtori i autorit kryesor të dyshuar për vrasjen, Ergys Malja, 15 vjeç dhe Edison Arazi 26 vjeç pasi dyshohet se ka dijeni për ngjarjen.
“Në vijim të veprime të kryera nga grupi i posaçëm hetimor, i përbërë nga specialistët të Hetimit të DVP Shkodër dhe të Drejtorisë Kundër Krimeve ndaj Personit dhe Pronës në Departamentin e Policisë Kriminale në Policinë e Shtetit, nën drejtimin e Prokurorisë së Rrethit Gjyqësor Shkodër, në bazë të provave të grumbulluara u bë shpallja në kërkim e shtetasit Ibrahim Liçi 28 vjeç banues në lagjen Guerrile, Shkodër, i dyshuar si autor i vrasjes së shtetasit Endri Mustafa.
Gjithashtu, në lidhje me këtë ngjarje është arrestuar shtetasi i mitur E. M., 15 vjeç i cili dyshohet se në bashkëpunim me shtetasin e lartpërmendur kanë vrarë me armë zjarri shtetasin E. M”, njofton policia e Shkodrës.
Po gjatë veprimeve hetimore dhe si rezultat i kontrolleve të ushtruara për kapjen e autorit u arrestua në flagrancë edhe shtetasi Edison Arazi 26 vjeç banues ne lagjen “Salo Halili”, Shkodër, i cili dyshohet se ka dijeni për ngjarjen. a.b
