Dy aletarët e PD-së Fatmir Mediu i Partisë Republikane dhe Vangjel Dule i PBDNJ kanë theksuar gjatë intervistës në Log me gazetarin Endri Xhafo, se vendi i opozitës në shtator është në parlament aty ku bëhet dhe puna më e madhe dhe siç i takon ndërkohë që do të përfshihen në evidentimin e vjedhjes se votës nga qeveria.
“Ka fakte që këtë herë manipulimi ka ndodhur dhe më parë ditës së zgjedhjeve., Ka elementë të tjerë të filmuar, legalizime, kalimi për rindërtimin, shpërndarje parash.
Do të shkojmë në parlament, pasi opozita duhet të bëjë punën e vend. Duka (Agron Duka) ka shprehur një qëndrim të vetin. Duka e ka provuar që në 2013 i ka marrë 12 mijë vota, me partinë ndërsa këtë herë nuk i mori dot. Qëllimi i takimit ishin mbledhjen e provave”, ka thënë Mediu.
Nga ana tjetër Vangjel Dule ka theksuar se qëndrimet e opozitës dhe aksionet e tyre do të qëndrojnë të unifikuara.
“Siç kemi unifikuar qëndrimet për disa çështje madhore dhe qëndrimi në parlament do të jetë unanim.në bazë të marrëveshjes së koalicionit dhe kur do të bëhen ankimimet do të bëhen nga përfaqësuesit tonë”, është shprehur ai.
Kreu i PBDNJ Vangjel Dule e ka cilësuar si shkelje të të drejtave të minoritetet vendimin e Komitetit të Ekskpertëve për karantinë pak ditë para zgjedhjeve për emigrantët.
Dule tha se do të kërkojnë përsëritjen e zgjedhjeve për të paktën bashkinë e Dropullit. Gjithashtu edhe kreu i republikanëve e ka cilësuar vendimin e Komitetit si politik, që i shërben interesave të Edi Ramës.
”Dje komiteti teknik i ekspertëve hoqi karantinë 14-ditore. Ajo qëndroi në fuqi për 7 ditë. E shikoni që i gjithë shteti është në fuqi të partisë. A do të ishin të gjitha votat për Tavon? Unë besoj se statistikisht në Gjirokastrës prodhohet duke krahasuar shifrat është që po. Këtu kemi shkelje të mirëfilltë të drejtat e minoriteteve. Kjo përkthehet në dy mandate.
Për zonat e minoritet do të kërkohet përsëritja e zgjedhjeve. Në kundërshtim me ligjin u është penguar në mënyrë masive ushtrimi i të drejtës së votës. Në bazë të legjislacionit në fuqi është lejueshme përsëritja e procesit zgjedhor, të paktën në bashkinë Dropull”, tha Dule. m.k
