Drejtuesi politik i PD në qarkun e Fierit Enkelejd Alibeaj tha sot se ai dhe ekipi i tij në Fier kanë bërë 94 kallzime penale për funksionarët e PS dhe drejtuesit e administratës të cilët kanë shkelur ligjin zgjedhor. Alibeaj e bëri deklaratën gjatë një interviste në syri tv me gazetaren Armela Ferko.
Alibeaj: Prej dy muajsh dhe deri ditën e zgjedhjeve, janë depozituar në SPAK, në Prokurorinë e Rrethit Gjyqsor Fier, në Prokurorinë e Rrethit Gjyqsor Lushnje, 94 kallzime penale. Këto kallzime i adresoheshin, kryesuesit të listës së PS Erjon Braçes, Kryeatrit të Kuvendit Gramoz Ruçit, deri te kandidati Nimet Musai.
Të gjashtë kryetarët e bashkive respektive, i Lushnjes, i Fierit, i Divjakës i cili mban rekordin e kallzimeve penale, kryetarja e famshme për keq e Roskovecit, të Mallakastrës dhe Patosit, janë kallzuar penalisht.
